A Galiña de Mos estivo na feira do galo de Arteixo.

 Na feira do galo de Arteixo, celebrada o 23 de decembro, houbo paticipación da nosa raza. O criador Carlos Cotelo, de granxa A Senra participou con exemplares de Galiña de Mos.



No CEIP Monseivane naceu outra rolada de polos.

Ao CEIP Monseivane de Lanzós, no concello de Vilalba, chegou o Programa "A Galiña de Mos vai á escola". Os nenos e nenas gozaron co nacementos dos poliños. Moitas grazas a Vicepresidencia. Deputación de Lugo pola colaboración.







No CEIP Terra Chá naceron poliños.

No CEIP Terra Chá, en Román, no concello de Vilalba naceron poliños da nosa raza. Alí asistimos a darlles aos alumnos e alumnas, varias charlas sobre o ciclo de incubación das galiñas e sobre as características das aves da raza Mos. Esta actividade, na provincia de Lugo, inclúese dentro do programa "A Galiña de Mos vai á escola", que está financiado pola Área de
Vicepresidencia da Deputación Povincial de Lugo.








Concurso de Tapas de Lugo.

 No concurso de tapas de Lugo, celebrado no mes de novembro, unha tapa feita con Galo de Mos foi a gañadora. A aposta da parrillada El Boni cautivou ao público.




En Baio naceron poliños.

No IES Maximino Romero de Lema, en Baio, na provincia da Coruña naceron nove poliños da nosa raza, trala incubación posta en marcha 21 días atrás. Os alumnos e alumnas do instituto asistiron a unha charla con vídeo explicativa sobre a Galiña de Mos e sobre o proceso de incubación dos ovos de galiña. Agora os polos xa se están a criar nunha das aulas para ir vendo o seu crecemento, sendo trasladados cando sexan máis adultos a galiñeiros no exterior.








Exposición en Vegadeo

Outra boa nova. Na Exposición Internacional de Avicultura de Vegadeo, organizada pola Asociación de avicultura "La Pinina", vense de proclamar mellor galo de toda a exposición de razas españolas, un galo da nosa raza, propiedade de Alberto Bujan Morandeira, de Guitiriz, provincia de Lugo. Parabéns!!! A raza Galiña de Mos está de moda!


Entrevista na TVG

O día 8 de novembro participaron o Presidente de Avimós e o Director Técnico no programa Quen Anda Ahí, da TVG falando da nosa raza. Si o queredes ver entre os minutos de programa 01.20 e 15.10 e outra entrada entre os minutos 34.48 e 44.41 no seguinte enlace https://www.crtvg.es/tvg/a-carta/programa-791-6309380?t=5645&fbclid=IwAR11fO6BwLjxi_-TjUZHo2AIGO7ob8SSWs9yYUBsVGP8wtrr0N6QcRIGKes



Campionato de España de Avicultura.

Entre o 2 e o 5 de novembro celebrouse en Jeréz o Campionato de España de Avicultura. Un grupo de criadores organizaron a viaxe para asistir cos exemplares da nosa raza e os resultados da exposición para as aves da raza Galiña de Mos foron os seguintes: Galo campión de España, propiedade de Luis Fernández Fernández, de Riotorto, provincia de Lugo. O galo subcampión é propiedade de Jesús Soneira Ramos, de O Saviñao, provincia de Lugo. A Galiña campioa foi para unha de María del Carmen Fernández Barros, de Betanzos, A Coruña. A Galiña subcampioa pertence a Óscar Miranda Gómez,de Castro de Rei,Lugo. Parabéns!!!







Novas xornadas gastronómicas

 Novas Xornadas Gastronómicas sobre os produtos da raza Galiña de Mos no restaurante Beiramiño, en Cospeito, Lugo. As aves son proporcionadas pola granxa Chousa do Lea.



Gran éxito da ExpoDegustación da Galiña de Mos de San Xiao de Mos.

Outro exitazo da ExpoDegustación da raza Galiña de Mos. Pese a que o tempo non acompañou, case 1.000 persoas asistiron. Os resultados do IX Concurso Comarcal da raza Galiña de Mos-San Xiao de Mos 2023 foron os seguintes: 
Na categoría de Galiñas. 
 1°premio para Luis Fernández Fernández de Riotorto. 
2° premio para José Carlos Silvosa Piñeiro de Castro de Rei. 
3° premio para Francisco Monasterio Solveira, de Vilalba. 
Na categoría de Galos. 
1° premio José Luis Freire Castedo, de Pol. 
 2° premio Sandra López López de Láncara. 
 3° premio Beatriz Canto Edrosa, de Castro de Rei. 
 Na categoría de lotes: Mellor lote de femias, Oscar Miranda Gómez de Castro de Rei.
Mellor lote de machos para José Zapata Sánchez, de Castro de Rei. 
Os premios foron entregados polo alcalde do Concello de Castro de Rei, Francisco Balado e polo Deputado de Medio Rural da Deputación de Lugo, Daniel García. O concurso da nosa raza contou co apoio da área de Vicepresidencia e de Medio Rural da Deputación de Lugo.









Nova incubación nun colexio en Lalín.

No CEIP Xaquín Loriga en Prado, en Lalín, iniciamos un novo ciclo de incubacións nas aulas, tendo xa completas as prazas para todo o curso escolar. No seguinte enlace podemos ver a información do xornal La Voz de Galicia.

https://www.lavozdegalicia.es/noticia/deza/2023/10/20/emocion-acariciar-pollitos-colegio-prado/0003_202310D20C4991.htm?utm_source=facebook&utm_medium=referral&utm_campaign=fbdeza

Resultados do VIII CONCURSO EXPOSICIÓN MONOGRÁFICO PROVINCIAL DA RAZA GALIÑA DE MOS

Na feira Expolugo, celebrouse entre os días 7 e 8 de outubro o VIII CONCURSO EXPOSICIÓN MONOGRÁFICO PROVINCIAL DA RAZA GALIÑA DE MOS da provincia de Lugo. 
Na categoría de Galiñas: 
1° premio:Jose Luis Freire Castedo. Do concello de Pol. 
2° premio: Sandra López López. Do concello de Láncara. 
3° premio: Beatriz Canto Edrosa. Do concello de Castro de Rei. 
Categoría de Galos: 
1° premio Luis Fdez Fdez. De Riotorto 
2° premio José Luis Freire Castedo. De Pol 
3° premio: Sandra López López. De Láncara.
Por outra banda, tamén participou a criadora Sandra López  con exposición de poliños dunha semana de vida. 









Desfile de gando do San Froilán.

 O 6 de outubro celebrouse polas rúas do centro de Lugo o tradicional desfile de gando que inaugura as festas do San Froilán. Aí estiveron varios dos nosos criadores.